14-anyos sumama sa birthday outing ng bespren, lunod sa pool
PLARIDEL, Bulacan, Philippines — Hindi na umabot nang buhay sa ospital ang isang binatilyong estudyante matapos malunod sa isang pribadong resort nang sumama sa birthday outing ng kanyang kaibigan, dito sa bayan, kamakailan.
Kinilala ni P/Colonel Satur Ediong, provincial director ng Bulacan PPO ang biktima na si Markhin Dylan Nana, 14-anyos, nalunod dakong ala-1:45 ng hapon sa Casa Cirila Private Resort sa Barangay Bulihan, Plaridel.
Sa inisyal na imbestigasyon ng pulisya, inanyayahan ang biktima ng isang kaibigan na nagdiriwang ng kaniyang kaarawan sa nasabing resort.
Habang lumalangoy sa pool, nalunod ang biktima hanggang sa sinubukan pa ng kaniyang mga kaibigan na iligtas siya at isinugod sa La Consolacion Hospital sa nasabing bayan ngunit idineklarang dead on arrival ng attending physician.
- Latest
