Duha ka kaso sa stray bullet, usa naangol

CEBU, Philippines — Duha ka insidente sa saag nga bala ang natala sa Police Regional Office (PRO)-7 atol sa pagsugat sa Bag-ong Tuig. Nahitabo kini sa Lungsod sa Tagbilaran City sa Bohol ug sa Barangay Tisa, siyudad sa Sugbo.

Hinoon, sigon ni Police Lieutenant Colonel Janette Rafter, tigpamaba sa PRO-7 nga ang sa Tagbilaran City wala'y naigo sa saag nga bala nga nisulod sa lawak.

Apan sa Barangay Tisa, usa ka 31-anyos nga lalake ang naangol human naigo sa saag nga bala nga nilusot sa ilahang atop samtang nagsaulog sa pagsugat sa Bag-ong Tuig sa Sitio Upper Manol, Barangay Tisa, ning siyudad.

Sa imbestigasyon Labangon Police Station 10 Cebu City Police Office nga ang biktima samtang nagsaulog sa pagsugat sa Bag-ong Tuig uban iyahang pamilya kalit lang matod pa nilapos ang saag nga bala sa atop sa ilang panimalay. Natapsingan ang tuo nga bahin sa iyang dunggan ug gidala kini sa Cebu City Medical Center ug nagpatambal.

Na-recover sa kapulisan ang lead sa bala nga gituohang gikan kalibre .45 nga armas nga ipaubos sa eksaminasyon sa kapolisan sa pamasin ma trace kini kun kang kinsang armas kini gagikan. (BANAT NEWS)