Baby Cheetahs, magis eagles naghari sa cybl tournament

Ang Benedicto College Baby Cheetahs mikastigo sa University of Southern Philippines (USPF) Baby Panthers, 80-55, aron langkaton ang kampiyonato sa 15 Under division sa Cebu Landmasters-Cebu Youth Basketball League (CYBL) Pocket Tournament niadtong Sabado Septiembre 14, didto sa Cebu Sports Hub sa dakbayan sa Mandaue.

"We are very grateful for the support of the team, the school, and the community. This victory is not just for us but for all our Benedicto College family. We worked hard, stayed focused, and believed in each other. This is a big honor for us, and we dedicate this win to everyone who believed in us. Daghang salamat sa tanan!" matud pa ni Baby Cheetahs head coach BJ Murillo.

Sa 12 Under category, ang Sacred Heart School-Ateneo de Cebu (SHS-AdC) Magis Eagles misakmit sa titulo human gipakaging ang Cebu Institute of Technology-University (CIT-U) Baby Wildcats, 48-35, luyo sa paningkamot nilang Jose Suico ug Welmir Sabalande nga mihipos og 12 puntos matag usa.

Si Francel Flores mipabuto og 20 puntos samtang si Harceljake Ricafrente midugang og 13 puntos alang sa Baby Cheetahs nga kontrolado kaayo ang duwa sukad sila misirit sa sayong 20-10 nga labaw.

Misamot pa ang kainit sa Baby Cheetahs aron paburoton ang ilang bentaha ngadto na sa makabungog nga 27 puntos, 61-34, human sa tulo ka kuwarter.

Sa laing bahin, ang Magis Eagles abante lamang og singko puntos, 32-27, human sa ikatulong kuwarter apan gitak-op ang duwa pinaagi sa nagbagang 16-8 rally aron labhang ang Baby Wildcats og 13 puntos.

Karon, ang Baby Cheetahs ug Magis Eagles magsagubang og mas lisud nga hagit gumikan kay gitatakda silang mo-debut sa Cebu Schools Athletic Foundation, Inc. (CESAFI) Season 24 nga magsugod karong Septiembre 21 diha sa Cebu Coliseum.

"We have been preparing well for the CESAFI U15. Every practice is an opportunity for the boys to improve. We focus on discipline, teamwork, and learning from our previous games. Our goal is to bring pride to Cebu and to show that we are ready to compete at a high level," dason pa ni Murillo.

Si Murillo misaad nga ilang ihatag ang tanan matag duwa ug panington gyud ang ilang mga kontra sa higayon nga mokumbati sila sud sa korte.

"Whatever the outcome, we will leave everything on the court," dugang pa ni Murillo. "Our goal is to grow as a team and as individuals. Winning is important, but what matters most is the journey and the lessons we learn along the way. We want to inspire others and show that through hard work and dedication, we can achieve great things together."