Koon hinugot ng SGA sa Dubai meet
MANILA, Philippines — Hinugot ng Strong Group Athletics (SGA) si Ateneo de Manila University standout Chris Koon para sa 34th Dubai International Basketball Championships na idaraos sa huling linggo ng Enero.
Nagtala si Koon ng mga averages na 7.58 points, 4.17 rebounds at 1.83 assists sa nakalipas na season ng UAAP Season 87.
Inaasahan ni head coach Charles Tiu na malaki ang maitutulong ni Koon sa kampanya ng SGA lalo na sa kanyang offensive game.
“He has good size as a wing, can shoot, can defend. I think he will be a good role player for us. And we all know he’s been well coached and comes from a great school and program, so it’s good to have him,” pahayag ni Tiu.
Makakasama ni Koon sina four-time NBA All-Star DeMarcus Cousins, Malachi Richardson at Terry Larrier.
Nasa lineup din ng SGA sina Mikey Williams, Rhenz Abando, Dave Ildefonso, naturalized Filipino players Angelo Kouame at Andray Blatche.
Target ng SGA na masungkit ang korona matapos magkasya sa runner-up trophy noong nakaraang taon kung saan naging import ng team si dating NBA center Dwight Howard.
- Latest
