Enad-Peña tandem misang-at na og COC sa Comelec

CEBU, Philippines — Nilansar pagka Bise Mayor sa lungsod sa Minglanilla ang kasamtangang Mayor nga si Elanito Peña kinsa anaa karon sa iyang ika tulo nga termino.

Iyang runningmate mao ang konsehal sa lungsod nga si Atty Rajiv Enad nga maoy modagan pagka Mayor sa Minglanilla sa 2022 elections

Silang duha ni-file na sa ilang certificate of candidacy COC ubos sa partidong Alayon, ang lokal nga partido nga gipangulohan ni Mayor Gerald Anthony “Samsam” Gullas.

Matud pa ni Enad nga ang ilang mga miyembro ug supporters maoy nipili niya nga molansar sa pinakataas nga posisyon sa lungsod.

Nagkanayon si Enad nga plano unta niya nga modagan pagka bise mayor apan human sa tigom sa mga kapitan ug ni Mayor Samsam Gullas, nasabotan nga siya ang modagan pagka Mayor.

Plano ni Enad nga mahimong syudad ang Minglanilla.

“Part of my plans is that we want Minglanilla to be a thriving locality that will embrace the characteristic of adapting a work-live-and-play concept, making it competitive,” segun ni Enad. MEL (BANATNEWS)