Walang special treatment kay Alice Guo - PNP
MANILA, Philippines — Inihayag kahapon ng Philippine National Police (PNP) na walang matatanggap na special treatment si Alice Guo,
“She will be treated as an ordinary detainee. No cellphone, no AirPods. Bawal ‘yun sa facility”, ayon kay PNP Spokesperson PCol. Jean Fajardo.
Mananatili rin si Guo sa isang ordinaryong detention room.
Inilabas din ng PNP ang mga mugshot ni Guo na makikita na nakasuot na ng kulay orange na shirt.
Samantala, sinabi ni Interior Secretary Benhur Abalos sa isang press conference kahapon ng madaling araw nang maibalik sa bansa si Guo.
Anya, matinding banta sa buhay mula sa umano’y Chinese mafia ang dahilan ni Guo kaya umalis ng bansa.
Dumating sa bansa si Guo kasama sina Abalos at PNP chief Gen. Rommel Francisco Marbil bago mag-ala-1:00 ng madaling araw sakay ng isang chartered plane.
Nilinaw din ni Abalos na walang ginastos ang pamahalaan sa pagsundo kay Guo sa Indonesia dahil ang charterted plane na kanilang ginamit ay pahiram lamang ng kanyang kaibigan.
- Latest
