Valdez ibabawi ang Creamline

MANILA, Philippines —  Dedidido ang 10-time champion Creamline na makaresbak matapos lumasap ng unang kabiguan sa semifinal round ng Premier Volleyball League All-Filipino Conference noong Sabado sa Ynares Center.

Umani ang Cool Smashers ng 25-23, 25-22, 21-25, 25-16 desisyon sa kamay ng Petro Gazz Angels para mahulog sa 0-1 rekord sa round-robin semis.

Dahil sa pagkatalo ay kinakailangan ng Cool Sma­shers na walisin ang lahat ng asignatura nito upang manatiling buhay ang pag-asang makapasok sa finals.

Para kay Cool Smashers team captain Alyssa Valdez, kailangang kalimutan na agad ang lahat para misentro ang kanilang atensiyon sa susunod na laban.

Sunod na makakasagupa ng Creamline ang Akari Chargers bukas.

“We’ll prapare and let’s see on Tuesday,” ani Valdez.

Nagtala ng triple-double si Valdez kontra sa Gazz Angels kung saan naitarak nito ang 10 points, 10 digs at 10 recpetions.

Mas kakaunti ang errors ng Creamline (19) kumpara sa Petro Gazz (24).

Subalit lumamang nang husto ang Gazz Angels sa blocking department tangan ang 13 blocks laban sa tatlo lamang na nagawa ng Cool Smashers.

Nakungos din ang Gazz Angels sa attacks bitbit ang 59-53 bentahe kontra sa Cool Smshers.