576 ka wanted persons sikop atol sa mga operasyon sa kapolisan
CEBU, Philippines — Pinaagi sa coordinated law enforcement efforts sa nagkalain-laing police units sa Police Regional Office-7 malamposon nga nadakpan nila ang 576 ka wanted persons sulod sa usa ka buwan.
Ang maong extensive operation nagpakita sa commitment sa PRO-7 nga palambuon ang public safety ug memosan ang crime rates sa Central Visayas.
Matud ni Police Brigadier General Redrico Maranan, direktor sa PRO-7 nga ang maong operasyon nagpakita sa kakugi ug strategic operations sa law enforcement.
"By utilizing intelligence-led policing methods, we were able to effectively identify and locate suspects, thereby sending a clear and resolute message that criminal activity will not be tolerated in our communities. We assure the citizens of Central Visayas that their safety remains the top priority of the police force", matud ni Maranan.
Sa nahisgutang gidaghanon nga nasikop 74 niini nabutang isip most wanted person samtang ang 502 nabutang isip other wanted person.
Ang kapolisan nipahigayon og mga operasyon gikan kini sa Enero 1 hangtud sa 31, 2025 ug nagpakita sa proactive measures nga gihimo sa tracker teams aron masikop ang mga pinangita sa balaod. (BANAT NEWS)
- Latest
