Tricycle driver tiklo higit P.3 milyong drug bust
MANILA, Philippines — Arestado ang isang 46-anyos na high value individual ‘tulak’ nang matiktikan na nagpapanggap na tricycle driver sa Taguig City, kahapon ng madaling araw .
Kinilala ni Southern Police District (SPD) Director PBGen. Manuel Abrugena, District Director, ang suspek na si alyas “Rogel,” 46, lalaki, tricycle driver at residente ng Taguig City.
Sa ulat ng Taguig Station Drug Enforcement Unit (SDEU), dakong alas-1:50 ng madaling araw ng Enero 21 nang matagumpay na madakip ang suspek sa Barangay Ususan, Taguig City.
May kabuuang 54.6 gramo ng shabu na nagkakahalaga ng ?371,280.00 ang nakumpiska sa suspek .
Nakatakdang isailalim sa inquest proceedings ang suspek sa Taguig Prosecutor’s Office sa paglabag sa Republic Act 9165 (Comprehensive Dangerous Drugs Act of 2002).
- Latest
