Hiyasmin (137)
“Sabi ko sa’yo mabilis kang matatanggap sa trabaho dahil matalino ka!’’ sabi ni Dax na halatang masayang-masaya.’’
“Salamat Sir Dax. Hayaan mo at sa unang suweldo ko ay kakain tayo sa paborito mong restaurant.’’
“Kahit hindi mo ako pakainin, okey lang sa akin. Masaya ako dahil may trabaho ka na—at maayos na trabaho. Siguro ang laki ng offer na suweldo sa iyo ano?”
“Opo Sir Dax—nagulat ako.’’
“Matalino ka nga kasi. Kahit ako ang employer, talagang pasasahurin kita nang malaki dahil malaki ang maitutulong mo sa company. At isa pa, nakita ng may-ari na may potential ka kaya hindi ka na pinakawalan.’’
“Hindi nga ako makapaniwala hanggang ngayon, Sir Dax.’’
“Akala mo nananaginip ka?’’
“Opo Sir Dax.’’
“Saan ba itong advertising company na ito?”
Sinabi ni Hiyasmin ang name ng kompanya.
“Nasa Roxas Blvd po—malapit sa isang five star hotel.’’
“Aba katabi yan ng kompanya namin ah. Kalaban namin, ha-ha-ha. Magandang kompanya yan. Maraming hawak na kliyente.’’
“Talaga po?’’
“Oo.’’
“E di puwede tayong magsabay sa pagpasok, Sir Dax?”
“Puwede.’’
“At sa pag-uwi sa hapon e di sabay din tayo Sir Dax.’’
“Oo.’’
“Talagang hindi na ako aalis sa bahay na ito!”
(Itutuloy)
- Latest
