Brownlee pang-NBA ang kalibre
CEBU, Philippines — Kon si Gilas Pilipinas head coach Tim Cone maoy pangutan-on, ang kalibre sa dinuwaan ni Justin Brownlee haum kaayo sa NBA. Ang resident import sa Barangay Ginebra Kings sa PBA ug naturalized player sa Gilas nga nakadaog og makasaysayanong gold medal sa Hangzhou Asian Games sa miaging tuig mihimo na sab og impresyon sa nagpadayong FIBA Olympic Qualifying Tournament (OQT) didto sa Riga, Latvia.
“Somebody in the NBA missed out on this guy. Somebody in the NBA missed out. They weren’t on the ball. They should have seen this guy. He never should have been in the Philippines. He should be in the NBA,” dason pa ni Cone.
Si Brownlee mi-average og 27 puntos, 8.5 rebounds, ug 8.6 assists sud sa duha ka duwa sa Gilas batok sa Latvia ug Georgia.
Siya maoy nangu sa Gilas ngadto sa makapakurat nga kadaogan batok sa world no. 6 Latvia, 89-80, duha ka adlaw ang milabay. Iya sab nga gitabangan ang Pilipinas pag-abante sa semifinals bisan tuod og napilde sila sa Georgia, 96-94, niadtong Biyernes sa gabii. Human sa ilang sangka batok sa Georgia, si Cone mipadayag sa iyang pagdayeg ni Brownlee ilabi na kay sa kanunay ila kining masaligan.
“He plays huge in big moments and he’s proven that over and over again. What he’s doing here in this tournament is no surprise whatsoever to what we’ve seen throughout his career in the Philippines,” dugang pa ni Cone. “He’s dominant there, he executes to a tee and he’s always engaged and when he’s aggressive, there’s nobody better than him”.
Si Brownlee sa sayo pa giyukboan ni Kai Sotto nga mitawag kaniyang "Michael Jordan of the Philippines" samtang si Dwight Ramos mihulagway ni Brownlee nga labing maayong teammate nga iyang nakauban.
- Latest
