Role models sa kabatan-onan

CEBU, Philippines - Dili na gyud mabangbang ang showbiz status sa “Baes” sa Eat Bulaga  gumikan kay  padayon ang paghangop sa publiko kanila.

Gawas sa regular nila nga paglugwa sa GMA-7 noontime variety show  nga Eat Bulaga ,  kusog kaayo  ang ratings sa ilang teen-oriented show  nga Trops sukad kini gi-ere niadtong  October sa miaging tuig.

Pagkakaron, ang Baes aduna na’y kapin sa one million followers sa Instagram.

Ang maong grupo gilangkoban nila ni Kenneth Medrano, Miggy Tolentino, Joel Palencia, Tommy Peñaflor, Jon Timmons, ug Kim Last .

Nailhan lang sila kaniadto isip back-up dancers sa Eat Bulaga, apan karong panahona , nikulit na sila og indibidwal nga atensyon sa publiko.

Alang sa Baes, dili lang kutob sa popularidad ang pagsulod nila sa showbiz--usa sa nag-una nila nga tumong mao ang mahimong  role model ngadto sa kabatan-onan.

“We owe it to those who supported us from the start to be the best that we can be. Ever since I could speak, I’ve known I wanted to be an actor. Masaya na ako. I achieved the point wherein I’m happy. Masaya ako dito. I am living my dream, so I feel—the whole group feels—that we have to give back,” nagkanayon si Kim.

Ang pagka maayong ehemplo,  dili lang kutob sa baba,  ang kalampusan nila sa showbiz maoy  usa sa timailhan  nga maayo ang gipakita nila nga taras ngadto sa publiko.

Gibutyag usab sa Cebuano grand winner sa “That’s My Bae” nga si Kenneth  nga dugay na gyud niya nga gipangandoy nga mahimong artista. Ang tanan niya nga paningkamot, iyahang gipahinungod ngadto sa iyang pamilya.

“Lahat naman ito, ginagawa namin para sa pamilya namin. Minsan mahirap. Minsan wala na kaming tulog dahil sa trabaho. Pero pamilya namin ang motivation namin. Akala ng marami, gimikero kami. Ang hindi nila alam, kapag may free time kami, we make sure na we spend it with our family,” nagkanayon si Kenneth.

Ang laing sakop sa Baes nga si Miggy nisaysay nga tambay ra gyud siya sa una  sa wala pa siya natugpa sa showbiz.

Giangkon ni Miggy nga duna’y mga higayon nga nagplano siya nga moundang sa showbiz gumikan kay minos ra kaayo ang iyang proyekto.  Apan gitambagan siya sa kauban niya nga si Tommy nga dili gyud mo-surrender.

“Meron time na gusto ko na mag-quit. Ang hinihiling lang namin dati, magkaroon ng show na mag-extra kaming anim na magkakasama. Naisip ko, balik na lang ako sa bahay namin. Mag-stay na lang ako sa dati kong buhay, mag-quit na lang kami,” suma pa ni Miggy.

Samtang si Tommy sa iyang bahin, nipadayag kini nga ang tanang kalampusan sa Baes  gidalit nila sa tanang tawo nga nisalig sa ilang abilidad.

Ang laing sakop nga si Joel nipadayag nga daghan gyud siya og nakat-onan  sa pagsulod niya sa showbiz. Nakalangkat usab siya og pagtulun-an gikan sa iyang co-star niya sa Trops nga si Irma Adlawan.

 “Sabi ni tita Irma, ‘Mga anak, huwag ninyong iisipin na lagi kayong magaling. Ganun ako, kasi kung magaling ka, wala ka nang patutunguhan. Pero kung iniisip ko na hindi ako magaling, marami akong natutunan, marami pa akong mapupuntahan,’” matud pa ni Joel.

Ilaha usab nga gisalikway ang init nga kompetisyon ilabi na karong panahona nga nagbaha ang pipila ka mga boy group.

“Di ba may mga group na until now kilala pa rin kahit wala na sila. People would say na magaling yung mga members ng Sex Bomb Dancers or Streetboys. We want people to say someday na, ‘That’s My Bae yan, magaling yan,” padayag pa ni Kenneth.

Positibo  usab si Kim nga  molungtad gyud  og dugay ang ilang  grupo.

 “Sana we get to leave a mark, hindi yung isang bagsak lang, tapos wala na. We’re here for the long haul. We’re here to stay,” hirit pa niya. (BANAT NEWS)