China nagdeploy pa ng barko sa Zambales
MANILA, Philippines — Kinumpirma ng Philippine Coast Guard (PCG) na sa halip na umalis, nagpadala pa ang Chinese Coast Guard (CCG) ng backup vessel o karagdagang barko sa karagatang sakop ng Zambales nitong weekend.
Ayon sa PCG, namataan nila noong Linggo ang CCG-3304, di kalayuan mula sa CCG-3103, na nakaposisyon may 90 hanggang 100 nautical miles mula sa dalampasigan ng Zambales.
Samantala, ang CCG-5901 naman, na mas kilala sa tawag na ‘monster ship,’ ay namataan din may ilang nautical miles lamang ang layo mula sa CCG-3103.
Kaugnay nito, tiniyak naman ng PCG na patuloy na nagbabantay sa lugar ang BRP Cabra upang mapigilan ang CCG-3103 na makalapit pa sa coastline ng Zambales.
“Despite these developments, the PCG remains committed to challenging the illegal presence of Chinese Coast Guard vessels. The PCG will not allow China to alter the status quo by encroaching closer to the coastline of Zambales,” anito pa.
- Latest
