Pangulong Marcos binati si Trump bilang ika-47 US President
MANILA, Philippines — Binati ni Pangulong Ferdinand Marcos Jr. si US President Donald Trump.
Ang pagbati ay ginawa ng Pangulo matapos ang inagurasyon ni Trump bilang ika-47 na pangulo ng Amerika.
“Congratulations to POTUS @realdonaldtrump and to the American people on another peaceful transfer of power in their Nation’s nearly 250-year history,” pahayag ni Pangulong Marcos.
Umaasa rin si Marcos na mas makatrabaho pa si Trump at ang kanyang administrasyon.
Tiniyak din ng Pangulo na tuloy ang malakas na ugnayan ng Pilipinas at Amerika sa ilalim ng administrasyon ni Trump.
“The strong and lasting PH-US alliance will continue to uphold our shared vision of prosperity and security in the region,” pahayag ni Marcos.
Nobyembre noong nakaraang taon, nagkausap sa telepono sina Pangulong Marcos at Trump.
Sa naturang pag-uusap, ipinaabot ni Pangulong Marcos ang malalim na pakikipag-alyansa ng Pilipinas sa Amerika lalo na sa usapin ng depensa.
- Latest
