‘Never say never’, sagot ni Pangulong Marcos sa ‘point of no return’ ni VP Sara

MANILA, Philippines — HIndi tinutuldukan ni Pangulong Ferdinand Marcos ang pakikipagkaibigan kay Vice President Sara Duterte.

Sa ambush interview sa Lucena, Quezon natanong ang Pangulo kung ano ang reaksyon sa pahayag ni VP Sara na umabot na sa “point of no return” ang kanilang pagkakaibigan.

Sagot ni Marcos, hindi dapat nagsasalita ng tapos ang Bise Presidente.

“Never say never,” pahayag pa ni Marcos.

Mas lalo pang tumindi ang away ng dalawa matapos pagbantaan ni Duterte na ipapapatay niya sina Pangulong Marcos, First Lady Liza Marcos at House Speaker Martin Romualdez sakaling mapatay siya.

Subalit iginiit ni Pangulong Marcos na papalagan ang anumang ­pagbabanta sa kanya.