Mary Jane Veloso balik-Pinas sa Enero
MANILA, Philippines — Plano ng Indonesia na ibalik si Mary Jane Veloso sa Pilipinas sa Enero.
“Our target is hopefully at the end of December, the transfers of these prisoners will have been completed,” ani senior minister Yusril Ihza Mahendra.
Kabilang sa mga itinuturing na mga high-profile detainees si Veloso na nailigtas mula sa pagbitay kasama ang natitirang mga miyembro ng “Bali Nine” ng Australia, na pawang hinatulan ng mga kaso sa droga noong 2005.
Ginawa ang anunsiyo matapos ihayag ni Yusril noong nakaraang linggo na inaprubahan ni Pangulong Prabowo Subianto ang paglipat ni Veloso sa Pilipinas.
Matatandaan na hindi itinuloy ang pagbitay kay Veloso noong 2015, limang taon matapos arestuhin dahil sa dalang maleta na may lamang 2.6 kilo ng heroin.
Napaulat na dalawa sa “Bali Nine” gang ang binitay sa pamamagitan ng firing squad, isa ang namatay dahil sa cancer at isa pa ang pinalaya noong 2018.
Nakikipag-ugnayan din ang Indonesia sa Paris tungkol sa posibilidad na ilipat ang isang France national na hindi pinangalanan.
- Latest
