BSP tinapos na kontrata sa supplier ng National ID

MANILA, Philippines — Nirerespeto ng pamunuan ng Philippine Statistics Authority (PSA) ang desisyon ng Bangko Sentral ng Pilipinas (BSP) na tapusin na ang kontrata ng ahensiya sa kanilang supplier para sa produksyon ng National ID card.

Ayon sa PSA, tiwala ito sa pasya ng BSP at ngayon ay gumagawa na ng mga kinakailangang hakbang para sa patuloy na distribusyon ng National IDs.

Bukod dito, inihayag ng PSA na iba’t ibang format na ng National ID ang magagamit para sa mga rehistradong indibidwal, tulad ng ePhilID, at ang bagong inilunsad na Digital National ID na maaaring i-download sa https://national-id.gov.ph.

Tiniyak ng PSA na patuloy nitong tututukan ang paghahatid ng maaasahan at ligtas na sistema ng National ID.