Doctor’s fee isasama sa medical assistance ng PCSO
![Doctor�s fee isasama sa medical assistance ng PCSO](https://media.philstar.com/photos/2024/08/15/4_2024-08-15_23-01-51.jpg)
MANILA, Philippines — Target ng Philippine Charity Sweepstakes Office (PCSO) na isama na sa medical assistance ang pagbabayad sa professional fee ng mga doktor.
Ayon kay PCSO general manager Mel Robles, hindi naman buo kundi bahagi lamang ng professional fee ng doktor ang pinag-aaralan ng kanilang hanay na isama sa medical assistance.
Ayon kay Robles, nakadepende ito kung kakayanin ng budget ng PCSO. Pangarap aniya ng PCSO na wala na sanang bayaran ang mga pasyente.
Sinabi pa ni Robles na sakaling hindi agad na mabayaran ang doktor, maaari naman ang promisory note.
Pagsusumikapan aniya ng PCSO na agad na mailabas ang guarantee letter para mabayaran ang mga doktor.
Una nang nanawagan si House Committee on Appropriations chairman at Ako-Bicol party-list Rep. Zaldy Co na sagutin na ang bayad sa doktor para sa mga mahihirap na pasyente.
“We cannot have a system that is delayed in paying doctors. We need to ensure that our doctors are paid on time,” pahayag ni Co.
“If the doctors are paid immediately, more medical professionals would be willing to help under MAIPP. Payment delays should not be obstacles in serving our countrymen,” dagdag ni Co.
- Latest