VP Sara biyaheng Germany kasama pamilya

MANILA, Philippines — Umalis ng bansa patungo Germany si Vice President Inday Sara Duterte, kasama ang pamilya nito at ang kanyang ina, kahapon ng madaling araw.

Pasado ala-una ng madaling araw kahapon ng makalipad sa NAIA ang Emirates Airlines flight EK-335, matapos ma-delay ito patungong Munich, Germany via Dubai.

Hindi pa nagbibigay ng ano mang opisyal na statement ang Office of the Vice President kung bakit umalis si VP Inday Sara sa gitna ng delubyong nararanasan ngayon ng Sambayanan Filipino lalo na sa Metro Manila dulot ng baha at sama ng panahon.

Kasama ni VP Sara ang kanyang asawang si Mans Carpio mga anak nila at ina nitong si Elizabeth Zimmerman.