Pulong Duterte nakipag-balikatan sa PPP at PTUAAPI sa Cebu

MANILA, Philippines — Nasa 118 estudyante ng Manghupi Elementary School sa CarCar City, Cebu ang nabiyayaan ng tulong ni Davao 1st District Rep. Paolo “Pulong” Duterte at grupo ng Pwersa ng Pilipinong Pandagat (PPP) kamakailan sa pakikipagtulungan sa proyekto ng Parent-Teacher United Advocates Association PH Inc. (PTUAAPI). Ang Manghupi Elementary School ay matatagpuan sa mataas na parte ng bundok kung saan ang mga estudyante ay kailangang maglakad ng ilang kilometro para makapasok sa eskwela.

“Kami po ay taos puso na nagpapasalamat kay Rep. Duterte, PPP at PTUAAPI. Napakalaking bagay po ng mga school supplies na ito. Lalo na po sa Pwersa ng Pilipinong Pandagat (PPP) na nagkaloob pa ng ilang electric fans, maiibsan ang init habang sila ay nagka­klase,” pahayag ni Ginang Cherry Abellanosa, principal ng naturang paaralan. Ang PTUAAPI ay sa ilalim ng pamumuno ni national president Jojo Gamboa.