Pinas ‘di pa kailangan tulong ng US sa resupply mission
![Pinas �di pa kailangan tulong ng US sa resupply mission](https://media.philstar.com/photos/2024/07/21/4_2024-07-21_21-50-33.jpg)
MANILA, Philippines — Hindi pa kailangan ng Pilipinas ang tulong ng Estados Unidos sa Rotation and Resupply (RORE) mission sa BRP Sierra Madre outpost sa Ayungin Shoal sa West Philippine Sea.
Ito ang nilinaw ni National Security Adviser Eduardo Año nang mahingan ng reaksyon hinggil sa alok na tulong ni US National Security Adviser Jake Sullivan na sinabing handa silang tulungan ang Pilipinas sa resupply mission sa tropa nito sa BRP Sierra Madre sa Ayungin Shoal.
“The RORE will remain to be a pure Philippine operation. But we appreciate the US support in all aspect being our main ally and its assurance of iron clad commitment to the MDT (Mutual Defense Treaty),” ani Año na sinabing kaya pa naman ng Pilipinas na gawin ang mandato nito.
“There is no need at this time for any direct involvement of US forces in RORE mission,” paliwanag pa ng NSA Adviser na pinasalamatan ang US partner sa alok na tulong.
Ito’y matapos banggain ng Chinese Coast Guard (CCG) ang RoRe mission team noong Hunyo 17 na ikinasugat ng pitong Phl Navy personnel.
Ang mga umatakeng CCG ay armado ng palakol, itak, machete, kutsilyo kung saan ay winasak pa ang dalawang rigid hull inflatable boat, pinagkukumpiska ang mga baril ng mga sundalo, personal cellphone at sinira ang mga communication equipment gayundin ang bangka ng Phl Navy. Nasa P60-M naman ang pinsalang sinisingil ng AFP sa China.
- Latest