VP Sara: FL liza, walang kinalaman sa pagbibitiw ko bilang DepEd chief
![VP Sara: FL liza, walang kinalaman sa pagbibitiw ko bilang DepEd chief](https://media.philstar.com/photos/2024/02/13/d6125_2024-02-13_22-10-48.jpg)
MANILA, Philippines — Nilinaw kahapon ni Vice President Sara Duterte na walang kinalaman si First Lady Liza Araneta-Marcos sa kanyang pagbibitiw bilang kalihim ng Department of Education (DepEd).
Sa isang ambush interview matapos ang turnover ceremony ng liderato ng DepEd kahapon sa kanilang headquarters, sinabi rin ni Duterte sa media na wala rin siyang plano pang tumanggap ng ibang posisyon sa gabinete ni Pang. Ferdinand Marcos Jr..
“No,” ang naging tugon ni Duterte nang matanong kung may kinalaman ang Unang Ginang sa kanyang pagbibitiw.
“Wala rin naman kinalaman si First Lady sa trabaho namin ni President Marcos,” aniya pa.
Binigyang-diin din niya na nagbitiw siya sa DepEd dahil sa mga personal na kadahilanan.
Dagdag pa niya, “Hindi na ako magse-serve in another cabinet post sa Marcos administration.”
Sa ngayon aniya ay nais din niyang magpokus na lamang muna sa kanyang trabaho bilang bise presidente.
Una naman nang tiniyak ni Duterte na maayos ang relasyon nila ni Pang. Marcos.
- Latest