Incorporator ng POGO konektado sa Pharmally firm - Hontiveros
MANILA, Philippines — Inihayag ni Sen. Risa Hontiveros na isang incorporator ng isang kumpanya ng Philippine Offshore and Gaming Operations (POGO) ang konektado rin sa kontrobersiyal na Pharmally firm na sangkot sa overpriced medical supply noong COVID-19 pandemic.
Sa pagpapatuloy na pagdinig ng Senate committee on women sa iligal na POGO, sinabi ni Hontiveros na isang Gerald Cruz, incorporator sa Break Hearts Technology ay may kaugnayan sa Pharmally Biological.
Ipinakita rin ni Hontiveros sa screen ang koneksiyon ni Cruz sa Pharmally.
“Cruz was also connected to Pharmally Biological, we are exclaiming Oh my God. With Huang Su Yen, involved in a big money lauding case in Taiwan, and with Allan Lim. For those who may have forgotten, Allan Lim is Lyn Wei Ziong is connected or linked to the importation of shabu in the country. Has this connection been noted by the PAGCOR?” tanong pa ng senadora.
Sinabi naman ni Atty. Jessa Mariz Fernandez, PAGCOR Assistance Vice President and POGO Licensing Department, na kamakailan lang nila nalaman na may koneksiyon si Cruz sa Pharmally.
Binanggit din ni Hontiveros na dawit din si Cruz sa FullWin Corporation kung saan presidente si Michael Yang, dating economic adviser ni dating Pangulong Rodrigo Duterte.
Idinagdag ni Hontiveros na malinaw pa sa sikat ng araw na sa pamamagitan ng Gerald Cruz na may link sa pagitan ng POGO sa Bamban ni Alice Guo at Michael Yang, posibleng sangkot din umano sa criminal operations ang huli.
- Latest
