Marcos kay Angara: Kaalaman ng estudyante sa Philippine history, pahusayin

MANILA, Philippines — Pinatututukan ni Pa­ngulong Ferdinand Marcos Jr. kay incoming Education Secretary Sonny Angara ang pagpapahusay sa pagtuturo sa kasaysayan ng Pilipinas dahil ang nakikita niyang mga workbooks ng mga bata ay kakaunti lang ang nilalaman tungkol sa history ng bansa.

Nais din ng Pangulo na pa simplehin ang curriculum para maintindihan ng mga bata ang mga basic na pagbasa, math at iba pa.

“We go back to make sure that everybody understands the basics. Because marami pang hindi– nasa grade 5 na, nasa grade 6 na, mahina pang basa, mabagal. At saka ‘yung mga simple na mathema­tics na exam hindi nila ka­yang gawin. So ‘yun ang kailangan talaga. Basics. We have to go back to basics. Great deal more. But I could talk about this for a long time. But those are the highlights of what we spoke about,” ayon pa sa Pangulo.

Gayundin ang feeding program sa mga batang estudyante dahil marami pa rin ngayon sa mga estudyante ang mga bansot.

“And then we are beefing up also the feeding program. Kasi ‘yung stunting, problema pa rin sa mga eskwela natin, sa estudyante natin. So DepEd has so many aspects to it,” pahayag ng Pangulo sa isang ambush interview sa Sulu.

Pinaalagaan din ni Pangulong Marcos kay Angara ang pinansyal na aspeto ng mga guro para masigurong maayos na napakakain nito ang kanilang mga pamilya.

“Kasi we tend to forget sometimes that teachers are families. We see them just as teachers. They have families and they have to take care of their families. And they cannot teach pro­perly pag inaalala nila ‘yung pamilya nila, so we have to ensure that they’re in a good place So that the teachers can concentrate on actual ­teaching. The other part of it is non-financial – is the retraining, Because ang bilis ng development lalo sa technology na within 1-2 years obsolete na. Kailangan turuan natin ulit So that’s what we will do. We will beef up that part of it,” pahayag pa ni Marcos.