Grade-6 ginahasa, pinatay sa damuhan
CAVITE, Philippines — Matapos mawala ng may dalawang araw, natagpuang duguan at wala nang buhay sa masukal na lugar ang katawan ng isang Grade 6 pupil na posibleng ginahasa bago pinatay kamakalawa sa Brgy. Sta. Clara, Gen. Trias City.
Kinilala ng pulisya ang biktima na si Rheamae Betonio Moreño, 11-anyos, at residente ng nasabing lugar.
Sa ulat ng pulisya, alas-11:00 ng umaga nang matagpuan ng isang residente na si Oscar Ballada Bovadilla ang nakahandusay na biktima sa masukal na lugar, sakop din ng Brgy. Sta Clara.
Sa salaysay ng saksi sa pulisya, nagtungo siya nasabing lugar upang manguha ng mga kawayan nang bumulaga sa kanya ang bangkay ng batang estudyante na nakataas ang damit at nakababa ang pang-ibabang saplot nito.
Nauna rito, nagpost ang ama ng biktima sa kanyang Facebook page na humihingi ng tulong na mahanap ang kaniyang anak na dalawang araw nang hindi umuuwi.
Ayon kay PLt. Col Jose Naparato Jr, may “lead” na umano sila sa pagkakakilanlan ng suspek subalit tumanggi muna siyang pangalanan habang nagsasagawa pa sila ng imbestigasyon at follow-up operation sa kaso.
- Latest
