Retirement at savings ng SSS members, mapapataas na sa Pension Booster Program
MANILA, Philippines — May pagkakataon nang mapataas ng mga miyembro ng Social Security System (SSS) ang kanilang retirement at savings sa pamamagitan ng MySSS Pension Booster program na nagkakaloob ng halos 7.2 percent annual return rate.
Ayon kay SSS President at Chief Executive Officer Rolando Ledesma Macasaet, ang Worker’s Investment and Savings Program (WISP) at WISP Plus ay pinagsama na sa MySSS Pension Booster upang higit na mapabuti ang retirement funds ng mga miyembro.
Binigyang diin ni Macasaet na ang MySSS Pension Booster savings schemes ay bahagi ng reporma alinsunod sa Republic Act No. 11199 o ang Social Security Act of 2018 na inisponsor ni Finance Secretary Ralph G. Recto noong siya ay senador.
Si Recto ang siya ring nagsisilbing chairman ng Social Security Commission.
“Now is the best time to start building your retirement fund with the help of SSS. The MySSS Pension Booster is not just an ordinary retirement savings plan. It’s a safe, convenient, and tax-free investment opportunity that allows you to earn income from your contributions. By participating, you can attain your savings goal, ensuring a comfortable retirement,”sabi pa ni Macasaet.
- Latest
