12 job applicants, hired-on-the-spot sa Araw ng Kalayaan sa Marikina

MANILA, Philippines — Ipinagmalaki ni Marikina City First District Rep. Marjorie Ann ‘Maan’ Teodoro na nasa 12 job applicants ang na-hired-on-the-spot sa idinaos na Araw ng Kalayaan Job Fair ng Marikina City Government kahapon.

Ayon kay Teodoro, alas-10:00 ng umaga pa lamang ay mahigit 600 jobseekers na ang nagparehistro para sa aktibidad.

Nasa 12 naman sa mga pumilang aplikante ang kaagad natanggap ng trabaho.

Samantala, ang unang lima naman sa kanila ay nabi­yayaan pa ng tig-P2,000 na support fund para sa kanilang work requirements mula sa mambabatas.

Nabatid na ang job fair ay isinagawa ng pamahalaang lungsod sa pakikipag-kolaborasyon sa SM City Marikina at nilahukan ng may 47 kumpanya.