Pagpasa ng Maritime Zones Law, ikinagalak ni Tolentino
MANILA, Philippines — Pasado sa bicameral review ang Maritime Zones Bill na tumutukoy, naglalarawan, at nagtatatag ng teritorial waters at continental shelf sa kapuluan ng Pilipinas.
Ayon kay Sen. Francis “Tol” Tolentino, pangunahing may-akda ng panukalang batas, pinagtibay ng Kamara ang bersyon ng Senado na may pag-amyenda sa probisyon ng reciprocity.
Sinabi ni Tolentino na ang bicameral version ng panukalang batas ay pinirmahan na ng chairman ng House Panel. Ang bicameral report ay kailangang pagtibayin ng parehong Kapulungan ng Kongreso
Sa panukalang batas na pumasa sa bicameral review, sinabi ni Tolentino na ang mga maritime zone ng Pilipinas ay binubuo ng internal waters, archipelagic waters, territorial sea, contiguous zone, Exclusive Economic Zone (EEZ), at continental shelf.
“Once the bill becomes the Maritime Zones Act after the President signed it into law, the Philippines shall exercise all other maritime rights and jurisdictions per United Nations Convention on the Law of the Sea (UNCLOS), the 2016 South China Sea arbitral award, international law, and other pertinent laws and regulations of the Philippines,” sabi ni Tolentino.
Sinabi ni Tolentino na overdue na ang Maritime Zones Act ngunit naging mas agaran ngayon, lalo’t patuloy na inaangkin ng China ang halos buong South China Sea, kabilang ang West Philippine Sea, kasama ang nine-dash line nito at kamakailan ang 10-dash line na pinawalang-saysay ng arbitral decision ng United Nations.
- Latest
