Baste Duterte pinagbibitiw si Pangulong Marcos
MANILA, Philippines — Pinagbibitiw ni Davao City Mayor Sebastian “Baste” Duterte si Pangulong Ferdinand “Bongbong” Marcos Jr.
Ayon sa alkalde, dapat magbitiw si Pangulong Marcos kung wala itong pagmamahal at mithiin para sa Pilipinas.
“Mr. President kung wala kang pag-ibig at aspirations sa iyong bansa, resign,” mariing hamon ni Baste sa “Hakbang ng Maisug Leaders Forum” sa Davao City nitong Linggo, Enero 28.
Dismayado si Baste sa mga problema sa insureksiyon at droga sa kanilang rehiyon sa Davao.
Ikinumpara rin niya ang dating pamamahala ng kanyang amang si dating Pangulong Rodrigo Duterte sa kasalukuyang administrasyon sa bansa.
Nitong linggo ay nagdaos ng anti-people’s initiative rally ang mga Duterte sa Davao City kung saan ginawa ni Baste ang hamon sa Pangulo.
Una nang sinabi ni Davao City 1st District Rep. Paolo “Pulong” Duterte na “Davao City is not for sale‘ sa isyu ng PI na kinatigan ni VP Duterte at ng kanilang amang si Digong.
- Latest
