Pangulong Marcos pinanumpa mga bagong miyembro ng Partido Federal
MANILA, Philippines — Nanumpa kay Pangulong Ferdinand Marcos Jr. bilang mga bagong miyembro ng Partido Federal ng Pilipinas ang mga dating miyembro ng Partido Demokratikong Pilipino-Lakas ng Bayan ni dating Pangulong Rodrigo Duterte.
Kabilang sa mga nanumpa si Interior and Local Government Secretary Benhur Abalos at 30 iba pang kongresista at mga local officials.
Dumalo mismo si Marcos sa oath taking ng mga opisyal sa Malakanyang.
Bukod kay Abalos, lumipat ng partido sina Negros Occidental Cong. Francisco Benitez, Leyte Cong. Richard Gomez, Quezon City Cong. Ralph Wendel Tulfo, Laguna Congw. Maria Jamina Katherine Agarao, Zamboanga del Norte Congw. Glona Labadlabad, Pangasinan Congw. Marlyn Primicias-Agabas, San Jose del Monte, Bulacan Congresswoman Florida Robes, Occidental Mindoro Cong. Leody Tarriela, Nueva Ecija Congw. Rosanna Vergara at Bulacan Congw. Linabelle Villarica.
Kapartido na rin ngayon ni Marcos sina Quirino Gov. Dakila Carlo Cua, Ormoc City Mayor Lucy Torres, Cabanatuan City Mayor Myca Vergara, Meycauayan City Mayor Henry Villarica, Cabanatuan City Vice Mayor Julius Cesar Vergara, at Surallah Vice Mayor Antonio Bendita.
- Latest
