5 miyembro ng pamilya pinatay saka sinunog

MANILA, Philippines — Limang miyembro ng isang pamilya ang pinatay muna at pagkatapos ay sinunog ang kanilang bahay sa Barangay Indahag, Cagayan de Oro City nitong Martes ng gabi.

Sa pahayag kahapon ng Cagayan de Oro City Police kinilala ang mga nasawi na sina Melgene Galpo, 31, misis nitong si Manilyn, 30, anak nilang si Yolem, grade 1; 4-anyos na si Jolo at kaanak nilang si Maggie Epanes, 25.

Hinala ng mga barangay opisyales na pinatay muna ang mga biktima bago sinilaban ang kanilang bahay dahil may nakakita na may mga lalaking nagtatakbuhan palabas ng bahay ng mga biktima habang nagsisimula nang umusok ito.

Pero ayon sa mga pulis at BFP na magsasagawa sila ng masusing imbestigasyon kung may naganap na pagpatay sa mga biktima bago sinunog ang kanilang bahay.