MANILA, Philippines (Updated 3:48 p.m.) — Inuga nang malakas-lakas na lindol ang probinsya ng Batangas pati na ang kalapit na mga lugar gaya ng National Capital Region matapos tumama ang nasa 6.3 magnitude earthquake, ayon sa Phivolcs ngayong Huwebes.
Bandang 10:19 a.m. nang maitala ng state seismologists ang naturang lindol na siyang may epicenter apat na kilometro timogkanluran ng Calatagan, Batangas.
#EarthquakePH #EarthquakeBatangas#iFelt_BatangasEarthquake
Earthquake Information No.1
Date and Time: 15 June 2023 - 10:19 AM
Magnitude = 6.2
Depth = 103 km
Location = 13.82°N, 120.59°E - 004 km S 73° W of Calatagan (Batangas)https://t.co/BQY2u0xYdR pic.twitter.com/wVmlcsv0A2— PHIVOLCS-DOST (@phivolcs_dost) June 15, 2023
Una nang ibinalitang magnitude 6.2 ang nangyari ngunit agad naman itong in-update ng gobyerno.
Naitala ang mga syumusunod na intensities sa mga sumusunod na lugar:
Intensity IV (moderately strong)
- City of Manila
- City of Mandaluyong
- Quezon City
- City of Valenzuela
- City of Malolos, Bulacan
- Batangas City, Ibaan, Lemery, Nasugbu at Talisay, Batangas
- City of Dasmariñas at City of Tagaytay, Cavite
- Tanay, Rizal
Intensity III (weak)
- Pateros
- City of Las Piñas
- City of Makati
- City of Marikina
- City of Parañaque
- City of Pasig
- Obando, Bulacan
- Laurel, Batangas
- City of Bacoor at City of Imus, Cavite
- City of San Pablo at City of San Pedro, Laguna
- San Mateo, Rizal
Intensity II (slightly felt)
- City of Caloocan
- City of San Juan
- City of Muntinlupa
- City of San Fernando, La Union
- City of Alaminos at Bolinao, Pangasinan
- Santa Maria, Bulacan
- Bamban, Tarlac
Intensity I (scarcely perceptible)
- City of San Jose Del Monte, Bulacan
Suspendido naman ang mga klase sa lahat ng lebel, pribado man o pampubliko, sa probinsya ng Laguna, Calatagan, Batangas at Bacoor City, Cavite, ayon sa Civil Defense CALABARZON.
Wala pa namang naiuulat na malubhang pinsala sa ngayon sa Calatagan matapos ang paglindol, ayon kay Calatagan Mayor Peter Oliver Palacio sa ulat ng PTV4.