Philippines-US military tinapos na Balikatan Exercise 2023 .
MANILA, Philippines — Inihayag ni Armed Forces chief General Andres Centino na tapos na ang 2023 Balikatan Exercise sa pagitan ng Pilipinas at Amerika matapos ang dalawang linggo.
“As the chief of staff AFP, I n.ow declare the Balikatan Exercise 38-2023 closed,” ani Centino.
Ayon kay Centino, ang 2023 Balikatan ang pinakamalaking joint military exercise na sinalihan ng 17,600 participants na kinabibilangan ng 12,200 US troops at 5,400 mga sundalo ng Pilipinas.
Paliwanag ni Centino, layon ng joint exercises na pag-ibayuhin ang pakikipagsabayan at kapasidad ng US at Pilipinas.
Kabilang sa isinagawang pagsasanay ang Command Post Exercise, Cyber Defense Exercise, Field Training Exercise, at Humanitarian Civic Assistance (HCA).
Bagama’t nagkaroon ng pagkaantala, sinabi ni Centino na agad namang naresolba upang hindi makaantala sa pagsasanay.
“Siguro sa coordination, may mga delays but these delays are tolerable naman. Madaling maayos ito,” dagdag pa ni Centino.
Dumalo rin sa pagtatapos ng joint military exercises sina Philippine exercise director Major General Marvin Licudine, US exercise director US Marine Corps Forces - Pacific commander Lieutenant General William Jurney, Defense secretary Carlito Galvez Jr. at US Ambassador to the Philippines MaryKay Carlson.
- Latest
