Paul Soriano itinalagang Presidential Adviser on Creative Communications
MANILA, Philippines — Itinalaga ni Pangulong Ferdinand “Bongbong” Marcos Jr. ang director na si Paul Soriano bilang Presidential Adviser on Creative Communications.
Kinumpirma ng Office of the Press Secretary ang pagkakatalaga kay Soriano.
Ayon kay Office of the Press Secretary officer-in-charge Undersecretary Cheloy Garafil, nakatakdang manumpa kahapon si Soriano sa harap ni Marcos sa Palasyo ng Malakanyang.
Nasa ilalim ng Office of the President ang Presidential Adviser on Creative Communications.
Unang napaulat na isa si Soriano sa mga pinag-pipilian dati sa posisyon ng press secretary matapos na magbitiw si dating press secretary Atty. Trixie Cruz-Angeles.
Ang award-winning director ay asawa ng TV host-actress na si Toni Gonzaga. Kapwa sila kilalang tagasuporta ni Marcos.
Si Soriano ang direktor ng unang State of the Nation Address (SONA) ni Marcos.
Matatandaan na isiniwalat ni Soriano na pamangkin siya ni First Lady Lisa Araneta-Marcos.
- Latest