Arnell Ignacio, minsanang TV host, itinalagang OWWA administrator
MANILA, Philippines — Itinalaga na ni Pangulong Ferdinand Marcos Jr. bilang susunod na tagapamuno ng Overseas Workers Welfare Administration (OWWA) ang aktor, TV host at komedyanteng si Arnell Ignacio.
Ang balita ay kinumpirma na ni Press Secretary Trixie Cruz-Angeles sa media, Miyerkules.
"We confirm the appointment of Mr. Ignacio as Executive Director Admininistrator V of the Overseas Workers Welfare Administration," ani Angeles sa isang pahayag kanina.
Ayon kay Department of Migrant Workers Secretary Susan Ople, nagtrabaho na noon si Ignacio ng isang taon bilang deputy administrator bago umalis para sa mga personal na dahilan.
Na-reappoint siya noong Setyembre noong nakaraang taon sa parehong posisyon.
"[R]eading the news... buffering ako halos hindi ako makapaniwala," wika niya sa isang Facebook post nitong Martes.
"Maraming salamat sa tiwala mr PBBM at aa aking mga kasama sa OWWA amd all the stakeholders."
Nakilala noon si Arnell bilang host ng "K! The 1 Million Peso Videoke Challenge," "Wowowee," "Singing Bee," at umarte rin noon sa Kapuso sitcom na "Ober Da Bakod" atbp.
Magsisilbi namang Undersecretary for Licensing and Adjudication si Philippine Overseas Employment Administration (POEA) Bernard Olalila, na siya ring magiging officer-in-charge ng POEA hanggang maging "fully constituted" na ang departamento sa pagpapasa ng 2023 budget.
"For reintegration, a former OFW for 29 years - Venecio Legaspi, who worked for several years in Jeddah, Saudi Arabia has been appointed. He rose from the ranks to assume the post of vice-president in a prominent Saudi Bank. He has been appointed as Assistant Secretary for Reintegration," panapos ni Angeles.
- Latest
