Xi Jinping: Congrats kay Marcos, 'ika-17 pangulo' ng Pilipinas
MANILA, Philippines — Kahit hindi pa pormal na iprinoproklama, tinawag nang ika-17 pangulo ng Republika ng Pilipinas ni Chinese President Xi Jinping si Ferdinand "Bongbong" Marcos Jr.
Sinabi ito ni Xi sa pamamagitan ng Embahada ng Tsina sa Pilipinas kahit posibleng sa ika-27 o ika-28 ng Mayo pa maiproproklama ang susunod na presidente at bise presidente, ayon sa Konggreso.
"I am honored to forward the congratulatory message from H.E. President XI Jinping of the People's Republic of China on your elections as president of the Republic of the Philippines," wika ni Huang Xilian, ambassador ng Tsina sa Pilipinas, sa isang liham kay Bongbong.
"Again, on behalf of the Chinese Embassy in the Philippines and in my own name, I would like to convey my heartfelt congratulations on Your Excellency's election as the 17th President of the Philippines."
Ambassador Huang:
— ChineseEmbassyManila (@Chinaembmanila) May 12, 2022
???????? ????????????I had the the honor to convey the congratulatory messages from Chinese President Xi Jinping to President-elect Ferdinand Bongbong Marcos Jr. and from Chinese Vice President Wang Qishan to Vice-President-elect Sara Duterte respectively. pic.twitter.com/Q1qPrWzHxh
Chinese Ambassador to the Philippines Huang Xilian?
— ChineseEmbassyManila (@Chinaembmanila) May 12, 2022
Congrats to President-elect BBM and Vice-President-elect Sara
Read more?https://t.co/Wrw6NQOijZ pic.twitter.com/X1MCV1LvfU
Miyerkules lang nang batiin ni Chinese foreign ministry spokesperson Zhai Lijian sina Marcos at kanyang ka-tandem sa pagkabise presidente na si Davao City Mayor Sara Duterte-Carpio sa "pagkapanalo."
Bukod pa rito, pinalakpakan din nila ang "swabeng" presidential election sa Pilipinas, kahit na libu-libong vote counting machines at pumalya, ilang shaded ballots ang nakunang pinupunit ng mga pulis at ilang election-related killings ang naitala simula noong ika-9 ng Mayo.
Kaugnay niyan, iprinoprotesta tuloy nang marami ang diumano'y "dayaan" sa naturang eleksyon.
Ika-9 ng Hunyo, 1975 nang pormal na magkaroon ng diplomatic ties ang Pilipinas at People's Republic of China noong panahon ng dating Pangulong Ferdinand Marcos Sr., ama ni Bongbong.
Sa kabila nito, nangasim ang nasabing pakikipag-ugnayan sa pagtindi ng sigalot ng dalawang bansa pagdating sa soberanya at soberanyang karapatan sa West Philippine Sea — bagay na inaangkin din ng Beijing.
Una nang binati ng Estados Unidos, Japan at European Union ang nangyaring halalan sa bansa habang nangunguna si Marcos sa botohan. Kilalang magkaribal na superpowers ang Amerika at Tsina sa kasalukuyan. — James Relativo at may mga ulat mula kay Kristine Joy Patag
- Latest
