'Lack of merit': Huling Marcos DQ case ibinasura sa Comelec division level
MANILA, Philippines — Dismissed sa First Division ng Commission on Elections (Comelec) ang huling disqualification case laban kay presidential candidate Ferdinand "Bongbong" Marcos Jr.
Ito ang pahayag ng dibisyon, Miyerkules, kaugnay ng kasong inihain nina Margarita Salonga Salandanan, atbp. laban sa kandidatura ni Bongbong.
"As it now stands, Respondent possesses all the qualifications and none of the disqualifications under the 1987 Constitution and relevant laws. As such, the dismissal of this Petition is in order," wika ng resolusyon.
"WHEREFORE, premises considered, the instant Petition is hereby DENIED for LACK OF MERIT."
BREAKING | The COMELEC First Division dismissed the last disqualification case, at the division level, against Presidential Candidate Ferdinand Marcos, Jr. The division resolves “the instant petition is hereby DENIED for LACK OF MERIT.” @onenewsph @News5PH pic.twitter.com/fYlKgg5aWl
— Greg Gregorio (@GVGregorio_TV5) April 20, 2022
Kasama sa mga lumagda sa naturang ruling ay sina Presiding Commissioner Socorro Inting, Commissioner Aimee Ferolino at Commissioner Aimee Torrefranca-Neri.
Ilan sa mga ipinupunto ng grupong Pudno Nga Ilokano sa petisyon ang tax case conviction ni BBM, anak ng napatalsik na dating Pangulong Ferdinand Marcos Sr., dahil sa kabiguan ng nauna na maghain ng kanyang income tax returns.
Ang naturang kaso ay inihain mismo ng isang grupong nagmula sa Rehiyon ng Ilocos, na kilalang balwarte ng mga Marcos.
Sa kabila nito, pending pa rin at inaapela sa Commission en banc ang isang petisyon para kanselahin ang kanyang certificate of candidacy (COC) pati na ang isang consolidated disqualification petition.
"A decision in these cases, the consolidated cases as well as the case with motion for reconsideration will be decided before the election, but earlier, even before the end of April," ani Comelec Commissioner George Garcia noong ika-24 ng Marso.
Nananatiling nauuna sa pre-election survey ng Pulse Asia si Marcos at kanyang vice presidential candidate sa ilalim ng UniTeam na si Davao City Mayor Sara Duterte-Carpio. Si Duterte-Carpio ay anak ni Pangulong Rodrigo Duterte. — may mga ulat mula kay Kristine Joy Patag at News5
- Latest
