Metro Manila mananatili sa MECQ hanggang September 7
MANILA, Philippines — Inaprubahan ng Inter-Agency Task Force (IATF) ang pananatili ng Modified Enhanced Community Quarantine (MECQ) status sa National Capital Region mula Setyembre 1 hanggang Setyembre 7.
Bukod sa NCR isasailalim din sa MECQ ang Apayao, Ilocos Norte, Bulacan at Bataan sa Region 3, Cavite, Lucena City, Rizal at Laguna sa Region 4-A; Aklan, Iloilo Province at Iloilo City sa Region 6, Lapu-Lapu City, Cebu City at Mandaue City sa Region 7; at Cagayan de Oro City sa Mindanao.
Ang NCR, Bataan at Laguna ay magdaragdag ng restrictions sa dining, personal care services at religious activities.
Samantala ang Ilocos Sur, Cagayan, Quezon at Batangas sa Region 4-A, at Naga City sa Luzon; Antique, Bacolod City at Capiz sa Region 6, Cebu Province at Negros Oriental sa Region 7 para sa Visayas; Zamboanga del Sur, Misamis Oriental, Davao City, Davao del Norte, Davao Occidental at Davao de Oro sa Region 11 at Butuan City para sa Mindanao ay isasailalim sa General Community Quarantine (GCQ) with heightened restrictions.
Inilagay naman sa ordinaryong GCQ ang Baguio City, Santiago City, Quirino, Isabela, Nueva Vizcaya, Tarlac, Puerto Princesa, Guimaras, Negros Occidental, Zamboanga Sibugay, Zamboanga City, Zamboanga del Norte, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Surigao del Norte, Surigao del Sur, Dinagat Islands at Cotabato City.
Lahat ng lugar sa bansa maliban sa mga nabanggit ay isasailalim sa MGCQ.
- Latest
