Sa birthday ni Marcos, #ArawNgMagnanakaw no. 1 trending sa Twitter

MANILA, Philippines — Bagong "holiday" ang sigaw ng netizens online kasabay ng kaarawan ni dating Pangulong Ferdinand Marcos, pero hindi ito para papurihan ang alala ng yumaong diktador — ngunit para ipaalala ang kanyang mga krimen sa taumbayan.

Tinaguriang "#ArawNgMagnanakaw," ito ang tugon nang marami sa social networking site na Twitter sa panukalang  batas na gawing special non-working holiday sa Ilocos Norte ang ika-11 ng Setyembre para dakilain ang naturang strongman.

Basahin: Panukalang gawing 'holiday' ang kaarawan ni Marcos sa Ilocos Norte pasado sa Kamara

Sa sobrang popular ng hashtag, namayagpag ito para maging numero uno sa trends bandang tangali ngayong araw.

LOOK: #ArawNgMagnanakaw trends on Twitter as activists denounce historical revisionism on the birth anniversary of former dictator Ferdinand Marcos who has billions of ill-gotten wealth.

This comes amid a proposal to declare September 11 as a holiday in Ilocos Norte. pic.twitter.com/a6tJIi6PBh

— Philstar.com (@PhilstarNews) September 11, 2020

Simula nang buuin ni dating Pangulong Corazon Aquino ang Presidential Commission on Good Government (PCGG), umabot na sa P170 bilyon, o halos $3.6 bilyon, ang halagang nababawi ng ahensya mula sa mga nakaw na yaman ni "Macoy" at kanyang mga alipores noong 2017.

Bukod pa 'iyan sa 34,000 tinorture, 3,200 pinatay at mahigit 70,000 ikinulong ng rehimeng Martial Law ni Marcos magmula 1972 hanggang 1981, ayon sa tala ng Amnesty International.

May kinalaman: Money trail: The Marcos billions

"Today we mark the birth anniversary of the dictator Marcos with protests against historical revisionism and with a pledge to never again allow a fascist dictatorship to rule our country," ayon kay Bagong Alyansang Makabayan (BAYAN) secretary general Renato Reyes Jr. sa isang tweet, Biyernes.

"We oppose the House measure declaring September 11 as a holiday for Ilocos. It is an honor undeserved. Marcos plundered the nation and committed gross human rights violations. We must not whitewash those crimes by a holiday that seeks to rehabilitate the legacy of the dictator."

The current President also has the same tyrannical bent as the former dictator.

We call on the youth to never forget and to continue the resistance. We call on the people to mark Sept21, the anniversary of Martial Law, w/protest and remembrance of tyranny past and present.

— Renato Reyes, Jr. (@natoreyes) September 11, 2020

Aniya, hindi na rin nila ikinagugulat na niluluto bilang bagong piyesta opisyal ang ika-11 ng Setyembre sa ilalim mismo ng pamumuno ni Pangulong Rodrigo Duterte.

Giit nila, tila iisa lang ang likaw ng bituka nina Marcos at Duterte bilang mga "tiraniko." Matatandaang in-endorso ni Digong ang kandidatura ni Sen. Imee Marcos — anak ni Ferdinand — noong 2016 midterm elections, bagay na naipanalo ng senadora.

"We call on the youth to never forget and to continue the resistance. We call on the people to mark Sept. 21, the anniversary of Martial Law, w/protest and remembrance of tyranny  past and present," patuloy ni Reyes.

Sinabayan din ng mga kilos-protesta sa Bantayog ng mga Bayani ang ika-103 kaaranan ni Marcos ngayong araw, habang ipinaanawagang hindi sila makalilimot at hindi na dapat maulit pa ang Batas Militar.

Samantala, nagdaos naman ng misa sa Lungsod ng Taguig ang mga loyalista't pamilya ni Marcos bilang pagsariwa sa kanyang alaala.

Matatandaang ipinalipat ni Duterte ang mga labi ni Marcos sa Libingan ng mga Bayani noong Nobyembre 2016 sa dahilang naging sundalo noon ang diktador.

"The law says that Marcos is qualified to be buried there, as a soldier. They are contesting whether Marcos was a hero. I don’t care. Whether he was a hero or not, he was a soldier… (With regard to the term) hero, politics is involved," ani Duterte.