Region 2 zero positive case na sa COVID

TUGUEGARAO CITY, Cagayan, Philippines  - Zero positive na ang kaso ng coronavirus disease 2019 sa Region 2 kahapon. Inihayag ito ng Regional Epidemiology Surveillance Unit (RESU) ng Department of Health matapos gumaling na ang Medical Technologist na taga-Cauayan City matapos ang ikalawang pagsusuring ginawa sa kanya. Matatandaan na nahawa ang pasyente sa doktor na frontliner na kasamahan nito sa Southern Isabela Medical Center at nauna nang gu­maling noong nakaraang linggo. Sa 27 na confirmed COVID-19 cases sa Cagayan Valley, 26 ang nagrekober at isang 65 anyos na lolo sa Solano, Nueva Viscaya ang nasawi.