Type mo ba?: Bagong disyenyo ng P5, P20 barya isinapubliko ng BSP

MANILA, Philippines — Ipinasilip na ng Bangko Sentral ng Pilipinas sa madla ang panibagong mukha ng P5 at P20 barya na bahagi ng "new generation coins" ng ahensya, Martes ng umaga.

Dahil dito, magiging yari na sa bakal ang "bente pesos," na ilang dekada nang kinasanayang gawa sa papel.

Gov Diokno bares new P20 and P5 coins @News5AKSYON @onenewsph pic.twitter.com/EFM9LaIvJr

— Bim Santos (@josebimbosantos) December 17, 2019

Paliwanag ni BSP Governor Benjamin Diokno, bagama't mas mura ang gastos sa paggawa ng P20 bill (P2) kaysa sa coin counterpart nito (P10), 'di hamak na mas mapatatagal ang nasabing pera sa sirkulasyon kung gagawin itong bakal.

Umaabot lang daw kasi ng hanggang anim na buwan ang lifespan ng banknotes kumpara sa baryang umaabot ng 10 hanggang 15 taon.

Katulad ngayon, mananatiling si dating Pangulong Manuel Quezon ang personalidad na ilalagay sa P20 coin.

Kapansin-pansin naman ang panibagong imahe ng "nilad" sa likod ng barya, na kumakatawan sa halamang pinaghalawan ng pangalan ng Maynila.

Sinasabing hitik sa nilad noong araw ang Ilog Pasig. Katabi ng naturang halaman ay ang simbolo ng Malacañang.

The P20 coin prominently features the Nilad, the plant from which the name of Manila came from and was once in abundance along Pasig River, beside an icon of the Malacanang Palace pic.twitter.com/3KeO4lyvTp

— Bim Santos (@josebimbosantos) December 17, 2019

Pero hindi pa naman daw agad-agad mawawala sa mata ng publiko ang lumang itsura ng bente.

Sabi ng BSP, maaaring mag-print pa rin sila ng P20 banknotes hanggang unang kwarto ng 2020.

Demotion kay Quezon?

Bagama't usap-usapan ngayon sa social media ang "new look," hindi naman lahat ay natuwa sa desisyong ito ng gobyerno.

Noong Oktubre, matatandaang sinabi ng apo ni Quezon na maaaaring isipin ng taumbayan na repleksyon ito ng pagbaba ng halaga ng piso at mukhang ililipat sa barya.

Since quite a few asked, yes, some BSP officials very nicely made contact, to get comments from the family on the proposed new coin; here is the response I sent in reply, last month. It's really a decision of the authorities and any input due would be as any other citizens might. https://t.co/98NAKXe8jc pic.twitter.com/Q2iw4NhByi

— Manuel L. Quezon III (@mlq3) October 14, 2019

"Psychologically, bilang mamamayan, nagpapahiwatig ito ng devaluation: ang pagtatanggal ng isang denominasyon sa mga papel na pera ay sinyales ng 'shrinking value' ng ating currency," sabi ni Manuel Quezon III sa Inggles noong Lunes.

"Kahit hindi sinasadya... baka tignan din ito bilang 'demotion' ito sa taong makikita sa perang tatanggalin sa sirkulasyon."

Bukod pa riyan, sinabi ng apo ng dating presidente na maaaaring magkakaroon din ito ng negatibong epekto sa industriya ng agrikultura ng Pilipinas.

Malaking bahagi raw kasi ng paper bills ang ginagamitan ng abaca fiber.

Sa kabila ng kanilang kritisismo, sinabi naman niya ang otoridad pa rin ang magdedesisyon sa huli't huli.