‘Bring your own bottle’ ng NutriAsia dinagsa
MANILA, Philippines — Daan-daang katao ang nagtipon at nakiisa sa paglulunsad ng “Bring Your Own Bottle” (BYOB) ng NutriAsia Inc. sa Mind Museum sa Bonifacio Global City, Taguig noong nakaraang linggo.
Ang BYOB store ay bahagi ng kampanya ng NutriAsia para mabawasan ang paggamit ng plastic kaya hinihikayat nila ang kanilang mga bisita na magdala ng sarili nilang malinis na plastic o glass bottles para paglagyan ng condiments, mga sauce at cooking oils sa murang halaga lamang.
Kabilang sa mga produktong inaalok ng kumpanya sa kanilang refilling stations ay ang Datu Puti soy sauce, Datu Puti vinegar, UFC Banana Catsup, Golden Fiesta Palm Oil, Golden Fiesta Soya Oil, Golden Fiesta Canola Oil at Golden Fiesta Corn Oil.
Ang nasabing mga produkto ay ibinebenta mula 5-15% na mas mura kumpara sa suggested retail prices at nagbibigay din sila ng 40% discount sa mga bibili ng locally blended juice drinks.
Simula sa pagbubukas ng BYOB booth na karamihan ay mga working moms, young professionals at residente ng nasabing lugar ay maaari silang makakuha ng minimum na 200 grams ng kanilang nais na mga produkto at maximum na 2 liters.
Sinabi ng mga staff ng NutriAsia, kada customers ay nagdadala ng 2 empty bottles para sa refill habang ang iba naman ay dumadaan lang para magdonate ng kanilang plastic containers.
Bukas ang pop-up store hanggang Setyembre 12.
- Latest
