Ore shipments sa China pinasisiyasat

MANILA, Philippines — Hiniling ng Department of Environment and Natural Resources (DENR) sa Bureau of Customs (BOC) na imbestigahan ang mga umano’y undervaluation at misdeclaration ng mga nickel ore shipments papuntang China.

Sa liham ng DENR sa BOC, ang nasabing mga nickel ore umano ay nagkakahalaga ng bilyun-bilyong piso at nagsimulang i-export mula pa noong 2006 at pinaghihinalaang misdeclared para makatakas sa duties at taxes.

Ito umano ay pinoproseso ng bilyonaryong mining magnate na si Eric Gutierrez na siya rin nagpatakbo kay dating pangulong Aquino at naging ingat yaman din ng Liberal Party.

Simula 2004, nakakuha ang SRMI ng higit sa P28 bilyong halaga ng benta sa mineral, na walang mga rekord ng gobyerno ng pagbabayad ng buwis sa alinman sa LGU ng Agusan del Norte o ng pambansang pamahalaan.

Ayon sa DENR, nakitaan ang SRMI ng Mines and Geosciences Bureau (MGB) na lumampas sa 50,000-tonelada na pinapayagan ang taunang volume para sa isang maliit na minero kaya kailangang tingnan ng BIR ang mga pananagutan ng SRMI at mga kaanib nito dahil sa hindi pagbabayad o pagpapadala sa BIR ng buwis dahil sa 5% ng kabuuang kita na nagkakahalaga ng milyun-milyong piso.