Singil sa kuryente hindi na dapat tumaas sa susunod na 60 araw

MANILA, Philippines — Hindi na dapat magkaroon ng pagtaas sa singil sa kuryente sa susunod na dalawang buwan o 60 araw.

Ayon kay Senator Sherwin Gatchalian chairman ng Senate committee on energy nakita na niya na nag-increase ang Meralco ng 23 centavos per kilowatt hour at epekto ito nang pagtaas ng presyo ng coal at pagbaba ng halaga ng peso.

“April-May, more or less, summer months (nagtaas). Nakita ko nag-increase na ang Me­ralco ng 23 centavos per kilowatt hour, so ito na ang epekto ng pagtaas ng presyo ng coal, pag-depreciate ng peso,” sabi ni Gatchalian.

Sa tantiya ni Gat­chalian, hindi na dapat magkaroon pa ng pagtaas sa singil sa kur­yente dahil walang dahilan upang tumaas ang presyo ng coal.

Ang pagtaas umano ng 23 centavos per kilowatt hour na ipinatupad ng Meralco ay inaasahan na.