7 NPA rebels sumuko
MANILA, Philippines — Boluntaryong sumuko sa Joint Task Force ZamPeLan (Zamboanga Peninsula, Lanao) ang pitong miyembro ng mga rebeldeng New People’s Army (NPA) sa lalawigan ng Zamboanga Sibugay kamakalawa.
Kinilala ang mga nagsisukong rebelde na sina Henry Bawan Becsala alyas “Natoy”; Benbin Mandaw alyas “Lito”; Mario Oksik Maghanaoy alyas “Ka Rex”; Lauravel Niadas alyas “Maribel”; Villa Neadas alyas “Sandra”; Marcelino Lavares alyas “Ruben” at Joseph Lavarez alyas “Michael”.
Sinabi ni AFP Western Mindanao Command Spokesperson Captain Jo-ann Petinglay, dakong alas-6:00 ng umaga nang sumuko sa tropa ng Army’s 102nd Infantry Brigade ng 1st Infantry Daivision (ID) na nakabase sa Ipil, Zamboanga Sibugay ang naturang mga rebelde.
Isinurender naman nina Becsala, Mandaw at Maghanaoy ang dalawang AK 47 rifle at isang cal. 45 Remington.
Inamin naman ng mga nagsisukong rebelde na nagdesisyon silang sumuko sa pamahalaan matapos na mapagtantong mali ang ideolohiyang kanilang ipinaglalaban.
Kasalukuyan nang sumasailalim sa masusing tactical interrogation ang mga naturang rebelde.
- Latest
