Tolentino bagong pres’l political adviser ni Duterte
MANILA, Philippines - Itinalaga ni Pangulong Duterte bilang presidential political adviser si dating MMDA chairman Francis Tolentino.
Magugunita na natalo si Tolentino sa 2016 senatorial elections nang tumakbo ito bilang independent candidate matapos siyang umalis sa line-up ng Liberal Party (LP) ng masangkot sa kontrobersya.
Bukod kay Tolentino, itinalaga rin ni Pangulong Duterte ang singer-politician na si Anthony Castelo bilang board of director ng Bataan Shipyard and Engineering Company; dating actress na si Michelle Ortega bilang assistant secretary sa Department of Tourism; dating Batangas City councilor Ma. Kristine Balmes bilang deputy executive director ng Philippine Commission on Women; MARO director Florentino Loyola Jr. bilang PCOO assistant secretary; dating PCOO Asec. Mia Reyes-Lucas bilang bagong PCOO undersecretary.
Itinalaga rin si Amable Aguiluz bilang special envoy of the president to the gulf cooperation council habang si dating PDEA chief Dionisio Santiago ay nauna ng itinalaga bilang chairman ng Dangerous Drugs Board (DDB).
- Latest
