Senglot minartilyo ng kainuman

CAVITE, Philippines -  Patay ang isang manginginom matapos itong martilyu­hin nang ilang ulit ng kanyang kainuman na napikon sa tinuruan ng una sa Barangay Paliparan 3 sa Dasmariñas City Cavite kamakalawa.

Nakilala ang biktima na si Perlito Cajes ng Sitio Pook ng nasabing barangay habang pinag­hahanap naman ang suspek na si Jimmy Naing ng Block 96 Lot 6 Phase 3 sa nabanggit na barangay.

Base sa police report na nakarating sa Camp Pantaleon Garcia, magkasamang nag-iinuman ang dalawa nang magkapikunan sa pagbibiruan. Gayunman, napikon ang suspek kaya hinataw nito ang biktima sa ulo gamit ang martilyo saka tumakas.