Shootout: 2 holdaper bulagta

MANILA, Philippines - Tigok ang dalawang holdaper na naghahabol ng pamasko makaraang makipagbarilan umano sa mga pulis matapos na holdapin ang dalawang babae na nag-aabang ng sasakyan, kahapon ng madaling araw sa Las Piñas City. Patuloy pang inaalam ang pagkakakilanlan sa mga napaslang na inilarawan na kapwa nasa pagitan ng edad 35-40 taong gulang. Isa sa kanila at nakasuot ng asul na sando, checkered short pants habang ang isa naman ay nakasuot ng puting t-shirt at maong na pantalon.

Sa inisya na ulat, naganap ang insidente dakong alas-2 ng madaling araw sa may Alabang-Zapote Road sa Brgy. Talon Dos, ng naturang lungsod.  Nag-aabang ng masasakyang jeep ang mga biktimang sina Zaira Aspera at Joy Musa Bansao, kapwa ng Aurora-Cabrera, Pasay City nang holdapin ng dalawang suspek na armado ng mga baril.