NGCP tower pinasabog
NORTH COTABATO, Philippines – Pinasabog ng mga hindi kilalang kalalakihan ang transmission tower ng National Grid Corporation of the Philippines (NGCP) sa Purok 1, Barangay Kitulaan sa bayan ng Carmen, North Cotabato kamakalawa ng gabi.
Ayon kay P/Chief Insp. Julius Malcontento, hepe ng Carmen PNP, bandang alas-6:50 ng gabi nang maganap ang pagsabog kung saan kaagad namang rumesponde ang pulisya, militar kasama ang ilang tauhan ng EOD team.
Nawasak ang Tower #103 NGCP transmission line dahil sa pagpapasabog ng IED. Sa pahayag naman ni P/Supt. Bernard Tayong, CPPO spokesperson na posible umanong extortion ang isa sa motibo sa pagpapasabog.
Gayunman, hindi rin isinasantabi ng pulisya ang posibilidad kung may kaugnayan sa Davao blast noong Biyernes ng gabi ang pagpapasabog sa nasabing tower.
- Latest
