Gringo susuporta kay Sotto
MANILA, Philippines - Kinumpirma ni Senator Gregorio “Gringo” Honasan na kanyang iboboto si Senator Vicente “Tito” Sotto III sakaling magpasyang sumabak sa Senate presidency dahil “BFF” (best friend forever) umano niya ito.
Sinabi ni Honasan na matutuwa siya kung si Sotto ang susunod na presidente ng Senado.
“Siyembre matutuwa ako kung siya (Sotto) ang magiging Senate President kasi BFF ko siya, “ ani Honasan.
Sa tingin ni Honasan, si Sotto ang katanggap-tanggap sa nakakarami para maging susunod na lider ng Senado.
Sa ngayon aniya, grupo nila ang may pinakamalaking bilang kaya’t kumpiyansa siya na walang sinumang makakabuo ng kinakailangang 13 boto kung hindi sila kasama.
Pero nilinaw ni Honasaan na mas importante sa kanilang grupo na masiguro muna na magiging independent, fiscalizer at hindi obstructive ang Senado. Saka pa lang umano nila pagdedesiyunan kung sino ang dapat maging Senate president at magiging chairmen ng mga komite.
- Latest
